Asteartean, hilak 26, 15 pertsona kaleratu zituzten Gasteizko Herrandarrak kalean okupatutako eraikinetik.
Pandemiaren erdian, Gasteizko udal gobernuak familia horiek kalera bota ditu, COVID-19 pandemiak dakartzan arriskuak kontuan hartu gabe. Nahikoa da, ez dugu kaleratze bidegaberik onartzen, aldi berean hainbeste krisi eragin dituen higiezinen sektorea babesten eta gizentzen den bitartean. Kaleratze hauek boterean mantentzen dituztenak pozik mantentzeko besterik ez dira egiten.
CNTk udal ekintza lotsagarri eta errepresibo hauek salatzen ditu eta guztiok pairatzen ari garen egungo egoera konpontzeko edo ahalik eta gehien arintzeko atsedenik gabe eta esfortzuz lan egiteko eskatzen die. Ez da ulertzen, garai hauetan, udal agintariek neurri humanitario eta sanitario oinarrizkoenak erasotzen dituen modu arduragabe horretan beren herritarrentzako bizitza are eta zailagoa egitea.
CNT Vitoria-Gasteizek poliziaren indarkeria ere salatu nahi du eta egoera horiek ekiditeko neurriak hartzea eskatzen du.
Zentzu horretan, Gasteizko Etxebizitza Sindikatua bezalako taldeek hain beharrezkoa den lana egitea eskertu nahi dugu, mota honetako egoerak salatuz eta hauen ondorioak jasaten dituztenak babestuz. CNTtik larunbat honetan, hilak 30, arratsaldeko 19: 00etan Andre Maria Zurian kaleratze guztiak etetea eskatzeko antolatutako manifestaziora joatera animatzen zaituztegu.
CNT Vitoria-Gasteiz
